Vanaf de Kansel

Je mag wel zeggen dat kerk en Carnaval beiden bol staan van de tradities. In ons eigen Peeldorp Meijel voegen we daar al enkele tientallen jaren een eigen traditie aan toe. Hier geven parochie en Kieveloeët samen het startsein voor Carnaval met de enige échte MéélseVastelaovesmis. En aan die traditie is sinds een aantal jaren toegevoegd,dat de prins zich voorafgaand aan die Mis op de parochieweblog ‘Vanaf de kansel’ tot het Méélse volk richt.

De vaste columnisten op zaterdag – kapelaan Roger en Mat doen hun werk vanuit een bescheiden plekje ‘In de zijbeuk’. Dit is natuurlijk geen plek voor een prins. Daarom rollen zij ook nu weer de rood-geel-groene loper uit richting de kansel van onze kathedraal van de Peel. Vanaf deze prinswaardige plek richt dit jaar Erwin d’n Uurste zich tot zijn onderdanen.

Ónze pap zal dòrboove vandaach zin oeëge nie kanne geluu:ve. Is zinne zoon nie allieën prins van Méél gewórre, mèr sté tjie ók nóch ‘ne kieër óppe prikstoe:l! ’t is dan wal ‘ne diegietaale, mèr tòch. Én vanaovent ók nóch es lajf óp ’t altaar in ónze kattedraal van de Pieël. De wóndere zin nòch nie écht de wérrelt utj, zallie dinke. Én ik dink dizze vastelaovent dikker: ‘Wa zoa ónze pap d’r géér béj zin geweest, um same mih ons mam en zus Ellen van’n afstantje te zie: hoe Lisette én ik de afgeloeëpe wééke al hébbe genoote van hél veul sjòn mómènte. Ók onze daochters Fenne én Amber zin d’r mèr wa géér béj. Ieën ding is zeeker: mi dè èchte vastlaovesgevuu:l in óns gezin, zit ’t ók in de toekómst wal goe

Zoeë, ik haw óp mi min bespiegelinge, övver verléjje en toekómst, ’t Gé nòw um vandaach. Want vandaach trappe we ’t echte fést van di jaor wèr af mi de tradiesjooneele Vastelaovesmis in ónze ‘kattedraal van de Pieeël”. ’n Vastelaovesmis wòrrin we in óns dèùrep de èrnst van alledach géér ménge mi de vastelaoveslòl die drèn zit te kómme. Mi dees Vastelaovesmis brénge we de kievel wér ént ròlle én we stóppe dòr pas mi, as we dinzichaovent béj ’t kievelmènneke de vlach strieke. Én tusse dees Vastelaovesmis en ’t strieke van de vlach gòn we d’r saame élleken dach ’n gewèldich sjòn fést van maake, wòrbéj plats is vur iedereeën: kléénj én groeët, awt én jónk, wit òf mi ’n klurke. Iederieën die ónze Méélse vastelaovent ’n wèèrem hart toedraagt, mag ènslutje. Én ’t gé dan nie allieën om ’t groeëte spéktakel as béjvurbilt d’n óptòcht, die de Méélse vastelaovent maake tòt wa tjie is: ’n fést vur de ganse geménsjap. Éévegoe huure dòrbéj al die kléénj  belééfenisse as we in dees daach ónderweeges zin. Óntmoetinge mi bekéénde én minder bekéénde ménse, mesjien zéllefs tótaal ónbekéénde. De sjon verhaole, die we mekaar dan vertèlle, as we saame óp de hoe:k van ’t beffét ’n pilske drinke, òf  mesjien wal saame de póllónééze dur óns dèùrep loeëpe. Ók dè is vastelaovent, ók dè is Pieëlgeluk in Méél.
Én ók di jaor hi de Koeveloeët, mèr ók de ménse, die óp de achtergrónt aktief zin béj de Vèngneuze én de Késjeute kooste nòch moei:te gespaart um d’r vur te zèùrege dé’t vastelaovesleecht dréj daach langk probleemloos van roeëj, nò géél en gruun springkt. Ik nöddich alle Kieveloeëters utj mi óns mee te springe en dè doen we di jaor onder ’t mòttoo:

Prins Erwin I

( v.l.n.r. Fenne, Prins Erwin, Lisette, Amber)        foto’s: L J Photography Meijel

 

1

One thought on “Vanaf de Kansel

Comments are closed.

loader